នាព្រឹកថ្ងៃទី១៩ ខែតុលា ឆ្នាំ២០២៥ ឯកឧត្តម ប្រាក់ ចំរើន អនុប្រធានគណៈកម្មការទី៨ព្រឹទ្ធសភា និងលោកជំទាវឧកញ៉ាបណ្ឌិត សេង ពុទ្ធិឆាត បានអញ្ជើញចូលរួមពិធីសូត្រមន្តចម្រើនព្រះបរិត្ត និងសម្តែងព្រះធម៌ទេសនា ក្នុងពិធីបុណ្យកឋិនទានសាមគ្គី ដើម្បីវេរថ្វាយ និងប្រគេនព្រះសង្ឈ ដែលគង់ចាំព្រះវស្សាអស់កាលត្រីមាស នៅវត្តព្រះកែវសាគរទ្រាន ឃុំទ្រាន ស្រុកកំពង់សៀម ខេត្តកំពង់ចាម។
ក្នុងឱកាសនេះ ឯកឧត្តម និងលោកជំទាវឧញ៉ាបណ្ឌិត បានវេរប្រគេនត្រៃចីវរ និងបច្ច័យកសាងសមិទ្ធផលនានា ព្រមទាំងបានជូនសារុង ក្រមា និងថវិកា ដល់លោកតាលោកយាយ និងពុទ្ធបរិស័ទ អញ្ជើញចូលរួមក្នុងពិធីបុណ្យផងដែរ។
ប្រភព៖ ការិយាល័យជំនួយការគណៈកម្មការទី៨ព្រឹទ្ធសភា
